【澳門直擊】鄭秀文（Sammi）和許志安復合後表現甜蜜，前晚Sammi到澳門演出，她透露為拍電影，近日曬太陽和曬燈希望膚色較黑。重提當年安仔白泳褲激現雄風，Sammi鬼馬指男友裝假狗，回家要仔細檢查一下。
自從鄭秀文和許志安被本報踢爆撐枱腳復合後，二人表現甜蜜，訪問時也大方談另一半。前晚Sammi聯同台灣舞王羅志祥、周慧敏、張智霖（Chilam）和側田到澳門演出「澳門威尼斯人周年演唱會」，開始前眾人先跟酒店高層現身酒會切蛋糕，Sammi穿上綠色中門大開長裙，盡現平胸身材。適逢當日是Chilam生日，大會即為他慶祝，他透露老婆袁詠儀（靚靚）和囝囝張慕童也到澳門看他演出。
小豬倒賭場米
演唱會由Sammi打頭陣，她換上另一套衫上場，並請來MC仁合唱。問Sammi穿中空裝會否擔心走光？她笑說：「呢個係自己底線，好穩陣，貼晒膠紙，況且我係平面。」要否向安仔備案？她說：「唔需要，佢對時尚嘢睇得好開，最緊要我做足安全措施。」但安仔會否介意？Sammi認為最緊要自己覺得重要，男友自會明白。之前兩人先後生日，Sammi坦言各有各忙，加上太多狗仔隊，故未有機會二人世界慶祝。
Sammi稍後要拍新戲扮演女督察，為配合角色她去曬太陽和曬燈。提到曬太陽，記者重提當年安仔穿白色泳褲激現雄風，Sammi聞言搞笑說：「係咪墊咗嘢？我返去檢查吓先。」
小豬壓軸出場，他以半鹹淡廣東話搞氣氛，又即唱祝壽歌送大會，不過他卻倒米說：「大家記得去賭場玩吓，好運氣贏全部威尼斯人嘅錢，不好意思，我說笑。」
張智霖冧靚靚
Chilam上台時，司儀送上由他囝囝送給他的蛋糕，司儀叫全場觀眾唱生日歌及送飛吻，並問身在觀眾席的靚靚會否介意？Chilam識做地大讚老婆：「佢唔介意，佢仲好好客。」問到靚靚送甚麼禮物？Chilam笑說：「冇呀，下星期到靚靚生日，如果佢重手，我咪要仲重手，咁就攞嚟搞，在心中OK喇。」他又謂只要囝囝送上一吻已心滿意足。
採訪：卓寶花 攝影：仇志德