早排被指因為係志雲黨成員而不獲無綫續約嘅王喜，連日嚟不停穿梭內地掘金，前日佢又同梁小冰齊現身杭州，出席美容醫院搞嘅微整形活動。王喜密密賺之餘，亦為自己增加咗唔少人氣，估唔到近日竟然有人冒認係佢，四處打電話問人借錢，王喜知道呢件事之後都非常震驚，佢仲即刻透過微博澄清，以防朋友誤墮騙徒圈套。