外展社工以前在球場執邊青，現時要從網海撈索K男、援交女，明愛青少年及社區服務督導主任陳偉良笑言，首要惡補「網語」，如「叔叔北行鳥」即「我頂唔順喇」、「熱到hihi」是粗口諧音，「如果唔識，就好快被KO（踢）出去網絡世界」，且回應要夠快，「佢hi你，你唔hi佢，就會byebye」。
下午四時是高峯
做網上社工兩年的余啟明說，每天工作高峯時段是下午4時，有同事曾同時與五名網友對談。為免回應混亂，他會在msn的人名欄作簡單識別，可即時知悉該青年的背景。即使面對過激言論，也要沉住氣，曾有網友回應直斥：「你班社工唔好假道學，你估你班專業人士冇幫襯過我呀？」
原本在中學任社工的劉嘉揚，剛轉任明愛網上青年外展試驗計劃隊長，他與三名同事每天要看逾百個帖子。記者採訪當日見有網友提問：「性病係咪要性接觸先有？」他與同事立即查資料回應。他坦言，以前可藉身體語言了解學生行為，現時只靠網上留言去尋找蛛絲馬迹。他最近處理過一宗網上欺凌個案，一名女生遭人起底，他最終根據網上資料，將事件轉介有關學校跟進。
《蘋果》記者
網上社工MSN留言例子
Hi，其實我唔係客，我係社工嚟㗎，我叫Carrie，其實我哋有好多服務提供畀cc（援交少女）/ptgs（兼職女朋友），我哋知道好多做呢行嘅女仔好孤單，好多時候被欺負，有d（啲）傷害嘅事情都唔敢同人講，希望我哋都有d（啲）服務可以幫到你，可能你未必想同我傾偈，唔緊要㗎，但係都希望你留住我嘅msn，有咩事都可以搵我㗎嘛。