【本報訊】22萬人參加七一大遊行後，政府為替補惡法進行兩個月「補鑊諮詢」，但官員卻「龜縮」拒絕出席所有民間研討會。學者狠批03年基本法廿三條諮詢時，前保安局長葉劉淑儀尚算深入敵陣為惡法護航，如今負責推銷的官員卻拒絕現身，「做法仲衰過廿三條」。民陣聲言，下月24日惡法諮詢最後一日，會再次發起大遊行聲討惡法。
城大公共及行政學系和民間人權陣線昨合辦替補機制研討會，早已邀請政制及內地事務局長林瑞麟，但對方以「政府現已進行諮詢」為由拒絕出席。民陣召集人范國威指，政府不但逃避這些學術論壇，連大埔和西貢區議會邀請他落區聽意見也遭拒絕，批評林瑞麟害怕面對反對替補機制的民意。
衰過葉劉推銷23條
論壇講者、中大政治及行政學系副教授馬嶽發炮指，政府既然推銷替補機制，便有責任到不同場合解釋立場，「政府即使唔講立場，也應來解釋諮詢文件，當年葉劉淑儀推銷廿三條，都深入敵後解釋政府立場，都會討論、聽意見，如今連區議會的邀請都拒絕，咁算咩諮詢？」
替補機制一役，政府連番轉軚，最初方案是若有議席出缺，便由擁有最多票數餘額的候選人替補，其後「轉軚」由出缺者的同一名單上其餘候選人替補，最後又推出「四大方案」，馬嶽直指政府的邏輯不斷轉換，只見思維混亂：「我唔係民建聯譚耀宗，唔係無論點都會支持政府，加上我唔認為呢個係政府所講嘅漏洞，其實毋須堵塞。如果市民唔同意辭職再補選，嗰5位辭職議員上年唔會再當選。佢哋再當選就係民意。」他指，一旦替補惡法獲通過，市民只有兩件事可做，「一係上街，一係票債票償。」
政府高舉「浪費公帑」旗號，批評辭職議員再參選浪費金錢，但香港科技大學社會科學部副教授成名批評，這多得部份電子傳媒幫助政府宣傳，「只怪市民睇TVB和ATV新聞睇得太多，辭職議員政綱係要爭取真普選，任內策動變相公投，便是要爭取真普選，咁樣做有何不妥？」