阿仙奴領隊雲格日前公開話會買多3個球員後，即從里爾手中截劫摩納哥前鋒朴主永，據報呢位南韓國腳已到倫敦進行體測，轉會費達1,000萬歐元。不過佢想用600萬鎊買保頓嘅中堅加利卡希爾，保頓當然話妄想啦！另外，阿仙奴傷兵滿營，雲格家排陣都好傷腦筋，但出年1月仲大劑！因為查馬克、謝雲奴等非洲兵要返去踢非洲國家盃，可能缺陣成個月。