無綫電視劇《紫禁驚雷》噚晚播映大結局，前晚嗰集講述扮領侍衞內大臣嘅麥包，揮刀斬甩另一演員手臂嘅鏡頭時，被大批網民炮轟喺黃金時段播呢啲畫面過份血腥，嚇親細路。TVB外事部曾醒明噚晚話接三個觀眾投訴，曾醒明話其實播出時間已過咗8點半合家歡時段，播前亦有PG字眼，不過公司都會收集觀眾意見向劇組反映。