陳冠希（Edison）、楊千嬅、薛芷倫等前晚現身上環西港城，出席Joyce嘅Mugler時裝活動。Edison心情好好，不過工作人員一早話明Edison唔做訪問，記者追問佢有冇慰問栢芝，佢都充耳不聞急步入會場，隔咗一陣又改變主意出嚟接受傳媒圍訪。記者一問到關於栢芝離婚嘅事，佢身邊嘅助手擋駕話唔會回答。再問Edison喺栢芝宣佈離婚後出席活動十分敏感，佢話：「個時間表唔係上個禮拜，噚日去fit，係前幾個月，timing冇人預料得到。」
記者再問佢會唔會祝福栢芝，Edison都係笑笑口唔答，之後問到同女友Vincy嘅感情生活，佢話：「非常開心，日日同佢一齊就係好消息。」
千嬅露事業線
至於同場露出單邊黑bra嘅千嬅罕有性感，記者笑佢露事業線，千嬅話：「事業係掌握喺手同個腦度，胸大細唔重要，總之夠將來餵人奶就OK。」