【本報訊】酒吧女公關勒索富商X一億四千萬案，昨在區域法院續審。辯方盤問時踢爆X曾向精神科醫生求診，聲言自女兒出世後，便再沒與妻子行房。X又曾與被告往深圳度假，其間邀請被告與他及妻子三人同居。X承認提過這建議，但辯稱只是緩兵之計，好令被告知難而退。
代表被告祁春艷（37歲）的資深大狀駱應淦，昨盤問事主富商X（50歲）時指，自07年起兩年內，X曾七度報警投訴祁滋擾，但警方記事簿內從未提及X指控祁恐嚇勒索。
X揚言他曾作舉報，惟警員每次均當作家庭暴力或感情糾紛處理，建議息事寧人。有警員曾謂祁只是索取家用，問X：「有冇證據話佢恐嚇你吖？」
X曾向多名律師及警界朋友詢問，眾人都不約而同指「搞唔到，口同鼻拗」，故一直「唔夠膽」向警方施壓，「如果我咁勇敢，我一早離開咗佢」。
惟去年生意拍檔險遭祁綁架後，他對秘書口述勒索經過，製成66頁筆記，供日後法律程序備用。X後來將筆記交給警方。
X認欲使被告知難而退
X曾按律師指示，發出英文信要求祁停止纏擾，但他知祁不懂英文。X又曾帶同律師前往代表祁的律師樓，希望簽下協議書以一千萬元解決問題。但祁的律師也坦言「法律上冇分手費，只有贍養費，但冇咁多，又唔係夫妻」，祁發難離開。
有次兩人在九龍仔公園講數，X向祁展示一張1,000萬元的支票，謂「錢就冇，一係你攞呢張兌現唔到嘅支票，一係攞我命」。祁即場怒撕支票。X聲稱「我銀行戶口從來都冇一千萬呢個數字咁多。我話過畀佢聽最少一百次，我唔係富商，係佢一直以為我係」。起初他只是每月給祁兩萬元零用，屋租也需祁自付。
辯方指X曾與祁一同接受精神科醫生治療。X承認。至於曾否在祁面前向醫生透露自女兒出世後，便沒與妻子做愛，他自稱不記得。
辯方又指，X曾與祁同往深圳東部華僑城度假，其間曾向祁建議與其妻三人共住同一屋簷下。
案件編號：
DCCC408/11