莫少聰被本報獨家踢爆同比佢細28歲嘅國產姑娘孫雲玲，喺香港入紙排期結婚，但噚日佢冇透過微博回應婚事，晨早7點起身嘅佢只係留言同粉絲打招呼，中午就話自己食咗韮菜炒蛋同埋咖喱雞，到下晝佢就上載咗一條飄移短片，又話自己諗起小黑柯受良，會永遠懷念佢；但偏偏唔提自己嘅婚訊。其實結婚係喜事，莫少聰應該選擇大方回應啦。