關菊英昨日於土瓜灣為下月1日在紅館舉行的個唱綵排，雖然今次只舉行一場，但菊姐直言亦十分認真，問到心情如何時，她說：「都好興奮想快少少到嗰日，之前有少少緊張，因為乜嘢都未定，不過家大部份落實晒，所以心情冇咁緊張。」
預告密友捧場
菊姐表示今次歌衫視覺上十分性感，她說：「一共有七套歌衫都好靚，睇落好性感不過唔係露肉嗰種。」
同性密友Willy會否到場支持？菊姐說：「會㗎，佢喺揀歌方面都有畀意見，身邊好多朋友會嚟支持，契媽琴姐（李香琴）會嚟睇，但唔會上台。」問到Willy可有煲湯水給她進補？菊姐說：「都有煲啲養生湯水畀我，咁媽咪都有煲。」
採訪、攝影：王崇穎