【本報訊】前測量師學會會長陳旭明表示，當局在簽發新屋「滿意紙」前會派員到現場視察，並會按圖則進行量度，一般不會使用特殊的儀器，即若村屋預先掘出地牢，但仍沒鑿開通道，單憑肉眼視察及簡單工具，實在很難發現地底另有乾坤。陳說，若土地地基不穩，僭建地下室可引致周邊泥土鬆脫，形成沉降甚至塌樓。業主若有任何人命及財產損失，就算有買保險，亦隨時不獲賠償。
對於有發展商涉嫌在旗下樓盤預先僭建地牢，一向關注村屋問題的元朗區議員黃偉賢批評有關做法相當離譜：「發展商擺明當政府係儍仔，買家亦有責任，因為他們明知僭建喺唔合法，照樣願意交易。無可否認，呢類蠱惑村屋對於部份人明顯有吸引力，最重要係佢哋睇到政府對新界村屋嘅僭建問題硬唔起，怕晒鄉紳勢力，市民先夠膽同發展商朋比為奸。」
「最嚴重後果係釘契」
黃偉賢批評，政府對新界村屋的執法尺度，根本與港九地區脫軌。他說：「雖然話僭建嘅最嚴重後果係釘契，如果村屋用來自住，業主大可以住到賣樓時先拆走僭建物都未遲，根本完全起唔到阻嚇作用。」