又輸，講梗嘅唔係同守丹對賭些路迪輸畀錫永場波，而係中國女排繼09年亞錦賽後，又一次唔夠泰國女排揪，輸一次可以講係爆冷，再輸應該都冇藉口啩。以前喺香港睇中國女排，見到鐵鎯頭領移動長城將對手打到落花流水；家就變成小惠領自由行去買電器同化妝品，Shopping完就同3隊二打六切磋吓，贏咗可以壯行色，成個香港站幾咁完美。點知去到濠江，中國女排露晒底，唔夠塞爾維亞打就預咗，對泰妹都冇力招架，有冇搞錯。泰國女排嘅成功，唔知同電影《人妖打排球》有冇關係；中國女排嘅失敗，唔知又係咩嘢原因呢？啱啱睇完紐卡素對斯肯索普場聯賽盃，喜鵲踢到一pat屎，返到英超點讓富咸。
筋肉人
星期日16
紐卡素vs富咸
心水：富咸勝[+1]
心得：紐記6迎富咸僅1勝