一向都接受唔到韓劇，覺得同日劇差好遠，就算係口碑好好嘅《藍色生死戀》等，都係睇咗一、兩集就睇唔落去，覺得好悶。不過，凡事無絕對，近排朝早無無聊，睇到三色台重播嘅韓劇《太陽的女兒》，竟然覺得OK喎，可能係因為套戲冇一般韓劇咁節奏慢，而且劇情亦都唔係郁吓就喊苦喊忽，仲有，4個男女主角外形亦都討好，搞到我有啲想追睇嘅衝動㖭！
講開凡事無絕對，以荷乙冠軍身份升班嘅華域克，暫時睇嚟表現四平八穩兼予人好感，亦似乎有望打破荷甲升班馬一向陪跑甚至做升降機嘅宿命，佢哋喺星期六迎戰今屆仍未開齋嘅NAC，睇嚟可以再贏一場，一於捧華域克主W。
吾中
星期六54
華域克vsNAC
心水：華域克勝
心得：華域克係實力升班馬