長女今個暑假起勢參加興趣班，喺送、接之間，想瞓冇得瞓，圖書館成為我打發時間嘅避難所。隨手拎起一本由野口哲典先生寫嘅《你的人生，需要多懂一點機率》，以機率應用喺生活，甚有趣。我呢個文科仔從小係數學白癡，但都被本書某啲內容，例如點樣利用方程式提升猜拳、賭博、面試勝率所吸引。最令我難忘，係教練喺互射12碼定主射球員次序組合，竟多達55,440種，好誇張。
睇得過癮，但人生始終唔係數字，好似周二難得放假，鎖定睇《竊聽風雲2》、《來佬奇緣》2選1，明明機率一半半，但老婆大人一句話要睇《來佬》，我根本冇say，計乜鬼！好彩睇波貼波有得揀，跟番自己頭版貼士。
藍鑽石
星期六22
車路士vs諾域治
心水：車路士勝[-1]
心得：波亞斯台戲，仲有貨嘅