成功捧紅「模Art」JaniceMan的黎明，最近在他有份搞的手機程式「Loop」舉行了「LoopGirl」比賽，經過一輪投票後，最後out走Rosanna，剩下大熱的Jay跟其他兩個包括是Cherry和Edina再拗手瓜，日前三人先後濕身大作戰，以爭奪冠軍殊榮。
黎明（Leon）出錢出力搞手機程式「Loop」，當中除了有歌聽有MV睇外，近日還舉行一個名為「LoopGirl」的比賽，當中手機用戶可以參加投票選出心水參賽者。
三強最後比拼
「LoopGirl」最初有四名參賽者，包括有大熱Jay、Cherry、Edina和Rosanna，勝出者可以成為時裝品牌JUICYGIRL代言女郎，拍攝全新一輯廣告海報，實行進軍模界。由公開投票至今兩星期，總投票數目已超過40,000票，結果最後三強順利誕生，票數由開始投票一直包尾的Rosanna，最終難逃被out的厄運。
日前大會安排三名晉身第四回合的Jay、Cherry和Edina落水比拼，她們分別要進行「海上美女UFO」、「海上飄浮」及「水中漫遊」三個項目比賽。為了要拍到最靚的飄浮相，三位靚女不惜全身濕完又乾，乾完又濕連環跳海，為贏取冠軍可謂瞓身搏晒命。
Jay水底矇查查
三項挑戰中以水中漫遊難度最高，Jay、Cherry和Edina要先後潛入水底擺甫士影相，幸好各人均熟水性，即使要閉氣睜眼在水底拍攝也難不到她們，事後三位靚女不約而同表示在水中擺甫士相當好玩，舉手投足擺出不同甫士都特別有美態。
其中眼大大的Jay雖是潛水高手，但原來是近視妹，她笑說：「一心諗住要落水，所以事前除咗對隱形眼鏡，落到水底當然乜都睇唔清楚，結果反而睇唔到攝影師叫自己擺乜嘢甫士，反而感覺仲好，自己可以仲放鬆一啲。」
撰文：葉雪