邊個話舊不如新，電視台近排朝早重播嘅劇集，戲碼認真唔錯，播完《天龍八部》後，就緊接播《鹿鼎記》，無錯，係電眼同牛華嗰套，電眼嘅生鬼演繹，比星爺、小春同海棉蛋糕高幾班，好可惜因為播映嘅時間，對小弟嚟講太早，所以都敵不過周公miss咗；而且中午套《尋秦記》都好正，當打嘅狐妮真係索到爆，又睇到chok王未變臉前嘅樣，可惜星期五返早，睇唔到大結局，真係有衝動想BT番兩套劇嚟睇。
泰利、林柏特、杜奧巴呢啲車仔球星，真係夾慣夾熟，雖然新帥波亞斯想換血，但唔多唔少仲要靠班老臣子撐場，主場對升班馬諾域治，炒得起。
牽牛
星期六22
車路士vs諾域治
心水：車路士勝[-1]
心得：車仔老嘢仲有貨