啲人成日話，從政嘅冇個好人，呢一點我唔清楚。我知道有啲人，真係攞個心嚟幫我哋呢啲小市民，但亦有人渾水摸魚，從中抽水。就好似我住嗰個社區咁，豉油黨同白鴿黨為咗幫老人家填表攞6千蚊一事而互插，白鴿黨插豉油黨啲人唔好好解釋清楚就亂噏一通，豉油黨就還拖仲挖埋以前啲嘢出嚟講。講真，佢哋兩個黨與其浪費時間喺呢啲無謂爭拗上，不如幫居民爭取更多福利好過啦！
講開互插，曼聯嘅費格遜同埋阿仙奴嘅雲格以前都係咁，但近幾年就少咗好多，可能年紀大收咗火，又或者係阿仙奴戰績差，搞到雲格冇嘢好講。聽晚曼聯大戰阿仙奴，紅魔現階段乜嘢都贏晒，點可能唔瞓身支持紅魔呀？
青蛙仔
星期日33
曼聯vs阿仙奴
心水：曼聯勝[-1]
心得：兵工廠呢個moment唔似Big5囉