古天樂因整親隻腳，近排要缺席所有活動養傷，但噚日佢專程飛北京出席有份主演嘅《竊聽風雲2》祝捷會，因為套戲上咗9日已經有1.3億票房，古仔攞住枴杖到場，不過唔可以企得耐，企咗3分鐘佢就話：「可以不要講太久嗎？我不能站太久！」古仔要青雲同吳彥祖有乜就快啲講，表情都幾痛苦，不過佢傷成咁都出席，算係好畀面。