【本報訊】只餘不足10個月任期的特首曾蔭權表明會在新一份、也是其最後一份施政報告推出中、長期措施，但其大計惹來議員不滿。工業界立法會代表林大輝昨天當面促曾蔭權別「僭建」施政報告，批評曾蔭權離任前根本無法實現新增大計，更會為新一屆政府帶來負擔，「拆唔拆咗你啲政策好呢？」
中長期措施無法做到
林大輝昨與其他3名獨立建制派議員與曾蔭權會面，講述對施政報告期望。林大輝會後指，席間要求曾蔭權「唔好僭建施政報告」，因曾蔭權餘下不足一年任期，「佢話要推啲中、長期措施，根本係冇可能做到，唔通得個提字就算？」
他指若下屆政府認為有關政策「唔啱使」，是否仍要「夾硬」推行，「到時如果要拆走啲政策，市民又覺得政府朝令夕改，浪費資源，政府官員都會覺得無所適從啦。」他又叮囑曾蔭權不要再說「奮鬥至最後一分一秒」，「人人都要做到最後一刻㗎啦，咁樣係此地無銀喎。」林大輝不諱言曾蔭權聽罷一度「面黑」。
臨別贈言，林大輝勸曾蔭權搞好與立法會、傳媒及年輕人三大關係，又促請他離任前確保人事交接順利，「如果唔順利，好多嘢會亂晒」。