近日盛傳林峯搭上廈門同鄉、任職酒吧嘅芳芳，芳芳仲將喺林峯屋企影嘅自拍相放上微博，噚日內地有消息話芳芳確係林峯好友，經常會大班朋友去林峯屋企玩，之前佢亦的確喺林峯屋企影過相，但當時有其他朋友在場。有指芳芳已婚，噚日佢仲將啲相刪除。林峯堂妹林夏薇噚日出席活動時都話芳芳係林峯朋友，佢上林峯屋企好正常。