詹瑞文近日主演的舞台劇《女人之虎》大談做女人的苦況，作為普通女性已有不少苦處，作為女藝人所承受之苦可能更多，詹瑞文揀了圈中四位女藝人逐一分析，包括其學生梁洛施、剛宣佈離婚的張栢芝、狄波拉和徐子淇。
繼《男人之虎》後，詹瑞文最近的劇目《女人之虎》談及做女人的苦況，詹Sir認為現時的女性所承受的苦處越來越多，但女藝人的苦處就更多。
壓力百上加斤
張栢芝與謝霆鋒宣佈離婚，詹Sir覺得藝人私隱度很低，而栢芝現時的一舉一動更受到大家注視，他說：「佢嘅私生活一定會俾人放到好大，離婚已經好痛苦，好多事要解決，咁多報道傳聞，呢啲嘢令佢壓力百上加斤。」
至於栢芝的奶奶狄波拉，詹Sir認為她所承受是母親之苦：「媽媽真係最苦嘅人，亦係最偉大嘅人，拉姑一來見到自己個仔面對婚姻失敗，另外又掛住兩個孫，之後又要面對傳媒追訪，我相信佢嘅精神壓力一定唔細。」
「冇嘢難倒佢」
對於梁洛施（Isabella）與李澤楷分手，作為Isabella老師的詹Sir指她一點都不苦，他說：「當成個社會覺得佢個童話幻滅時戥佢慘，我反而覺得佢嘅人生啱啱先開始，佢咁後生大把機會，嚟緊可以做自己鍾意做嘅事，之前最痛苦嘅時間佢都經歷過，冇嘢可以難倒佢。」
最後，談到終於成功追到慈菇椗的徐子淇，很多人都覺得她不停生BB是件苦事，詹Sir不認同並說：「佢好清楚自己嘅目標，成個香港睇住佢生唔生到仔，佢自己就笑住去做呢件事，最後成功咗，一啲都唔苦。」
採訪、攝影：李珮洳