組合HotCha成員Regen將暫別樂壇，稍後她們會舉行歌迷聚會，歡送隊友。三人昨日到商台訪問，Crystal被指與羅仲謙暗交三年，她不斷大叫無辜，表示二人因合作無綫劇《尖子攻略》而認識，但不熟絡，還高舉手指發誓否認戀情，她說：「我都冇佢電話，唔熟㗎，唔好斷我米路啦！我仲要有人追我㗎。」
Regen現紅印
有指Crystal獲羅仲謙推薦拍《團圓》，她說：「唔會，係公司幫我嘅。」她表示公司不會用緋聞宣傳。又謂大隻謙並非自己那杯茶，她喜歡較瘦的男生。
隊友Winkie力證說：「佢哋唔係拍拖囉，如果有拍拖，佢呢三年嚟唔會咁dry，dry到皮膚咁乾。」記者發現Regen頸部和手部有紅印，笑指她被打，她笑說：「唔係呀，蚊咬，我無辜，隻蚊都無辜。」對於羅仲謙被封賤男，Regen說：「我唔熟佢，冇得話佢賤唔賤，又冇過節。」
採訪、攝影：王連連