內地女星黃奕今年同香港不知幾咁有緣，佢今年拍咗8套戲，其中有5套都係香港導演嘅作品，而呢5部戲就係《財神客棧》、《竊聽風雲2》、《競雄女俠．秋瑾》、《東成西就2011》同《高海拔之戀2》，睇嚟黃奕都好受香港電影人歡迎。唔知係咪想自己嘅事業更加容易邁向國際，黃奕話自己家正透過「優才計劃」辦緊香港身份證，做真正香港人。