索愛縮水BRAVIA　靚過Arc

香港用家一向對日系手機情有獨鍾，水貨機即使貴啲，都有人搶住要，SonyEricsson最新推出嘅Xperiaray，就全程搵晒SE日本設計團隊開發，整部機日味極濃，雖然輕到只有100g，仲仍然有個高解像BRAVIA級靚芒，落足料炮製！

記者：許福合　
攝影：林栢鈞

畫面比Arc更細緻

這部Xperiaray輕到只有100g，拿在手上真係輕如無物，不過，小巧機身亦限制咗屏幕大小，只能放得落個3.3吋屏幕，但因為用上與Arc相同嘅MobileBRAVIAEngine超像真屏幕，較細尺寸嘅Xperiaray在畫面細緻度方面反而有優勢，肉眼睇甚至比Arc更靚，愛靚芒真係完全滿足晒！OS方面，新機到手就可用到最新Android2.3.3，雖然SE無提供優化嘅介面，但用家仍可使用到5頁式桌面預覽，至於速度方面，使用1GHz處理器，亦算係中規中矩，可以接受。

■機頂開關掣在單手使用相當順手方便。

Xperiaray$2,998

■會有香檳金、白、粉紅及黑色四種顏色可以揀。

■iPhone4有個3.5吋芒，但比起3.3吋Xperiaray，體形明顯大咗一個碼。

■比較厚度，9.3mmiPhone4與9.4mmXperiaray分別不大。

ExmorR鏡頭

Xperiaray另一強項在相片拍攝，機背嘅810萬像素觸控對焦及ExmorR影像感測鏡頭，拍攝時只須點選畫面就會對焦，過程相當流暢，而在大背光的情況下拍攝，仍可得出正確曝光，效果基本上與DC分別不大，同時亦可玩埋720P高清片攝錄，而前置鏡頭都有VGA級數，自拍相片放fb，相質都有好高水準！Home鍵上的半圓環原來會有燈號顯示，分別以不同顏色顯示來電或信息，但光度相對屏幕來講不強，若在陽光下使用就較難發覺了。另外，內置xLOUD升級版，在外接喇叭或耳機聽歌時，會有更響亮同清晰的聲音，愛聽歌就定要試吓。