傅穎失業發爛渣羅仲謙憔悴否認媾蔡慧欣

傅穎失業發爛渣
羅仲謙憔悴否認媾蔡慧欣

傅穎(Theresa)日前驚爆與羅仲謙上月分手,力數遭男方暴力對待,踢爆謙仔一腳踏四船,Theresa即被星皓打入冷宮,工作無限期暫停,有傳Theresa情緒失控兼發爛渣。謙仔則一波未平一波又起,被踢爆搭上今屆落選港姐13號蔡慧欣,被封為新一代賤男,昨日他在電視城憔悴否認緋聞,心情似乎大受影響。

下月27歲生日的傅穎,日前出席公開場合忽然玩自爆,承認與羅仲謙於去年相戀,但踢爆謙仔花心,與她拍拖時一腳踏四船,又力數曾遭謙仔暴力對待,昨日更有消息指謙仔搭上今屆落選港姐13號蔡慧欣。

被封為賤男的羅仲謙,昨日一臉憔悴在電視城回應傳聞。

下月27歲生日的傅穎最愛爆料造新聞,豈料今次搞出個大頭佛。

傅穎和羅仲謙去年拍攝《熱浪球愛戰》時,原來已發展地下情。資料圖片

「冇親密短訊」

謙仔昨日下午三時半左右,如常返到將軍澳無綫電視城開拍《ONCALL36小時》,他在開工前召開記者會,回應指他搭上今屆落選港姐13號蔡慧欣,他一臉憔悴地說:「我想講一番說話,我想話同今屆港姐蔡慧欣係朋友,並冇任何親密短訊同肉麻相稱。」但問到傅穎被雪藏時,他沒有回應並被助手拉走。
大約五分鐘後,謙仔的助手合十向記者致歉,她表示謙仔只回應周刊的報道,再三要求下,謙仔再度現身,他說:「我同Theresa嘅事已經交畀公司處理,我唔方便再講,我今日係回應雜誌報道。」問他有否與蔡慧欣聯絡、下次會否帶眼識人,以及會否擔心被封賤男時,謙仔全部沒有回答便轉身往化妝間。
至於數臭謙仔而激怒公司星皓的Theresa,老闆王海峰在微博鬧她冇王管,取消她立即飛往北京發展的安排,據知Theresa得知被公司雪藏後大受打擊,情緒失控,不滿公司偏幫謙仔大發瀾渣,但星皓就否認她情緒有受影響。

今屆落選港姐蔡慧欣上圍有35D,身材比平胸的傅穎更勝一籌。資料圖片

Hidy撐謙仔

此外,模余曉彤(Hidy)昨日到銅鑼灣出席亞視活動,她與Theresa和謙仔曾合作電影,她力撐及大讚謙仔說:「謙仔係好人一個,佢幾funny,唔似打人,Theresa就少接觸同少傾偈,自己都唔知件事點發展,太戲劇性,好似做戲。」
採訪:何慧斯、溫敏芝
攝影:陳志嵐