李克勤同林子祥（阿Lam）噚日喺商台宣佈下月13日喺會展開騷，其間克勤向阿Lam請教唱快歌嘅唞氣位，阿Lam話近日發覺唱快歌時可邊唱邊吸氣。日前無綫新聞報道員陳珍妮將李克強講錯為李克勤，克勤喺微博留言話陳珍妮可能係佢粉絲，竟換來被河蟹，克勤苦笑話：「唔知好定唔好，可能咁啱係關鍵人物。」克勤仲話歡迎陳珍妮去睇佢個騷。