資深粵劇老倌梁漢威昨日胰臟癌去世，享年67歲，羅家英對於好友離世感到可惜，認為是梨園界的一大損失。梁漢威長子、粵劇舞台監督梁煒康昨日接受電話訪問時證實父親死訊，他說：「父親係6日前因為胰臟癌引致腹部積水，要入醫院放腹水，之後身體開始變差，喺今日下午3點離世。已經通知咗喺外國嘅細佬返嚟，暫定9月13號喺紅磡世界殯儀館設靈、14號出殯。」
多位粵劇名伶對梁漢威的離世感到可惜，羅家英說：「從15歲識佢，佢已經係三路文武生，我仲係閒角。佢對大戲好有見地，堪稱中流砥柱。佢仲開辦咗間粵劇學校教咗好多學生。」蓋鳴暉亦對前輩去世感到非常難過，她指威哥事事親力親為，非常肯指導後輩。採訪：李森