車路士尼日利亞中場約翰米基爾(圖)嘅爸爸米高被綁架10日後,尼國警方周一(22日)喺北部城市卡諾成功將佢救出,並當場拘捕5人。米高事後同記者講,着住軍服嘅疑兇帶佢到一處偏僻叢林,並且拳打腳踢,佢塊面仍留有傷痕。父親吉人天相,正喺倫敦嘅約翰米基爾鬆一口氣,透個經理人感謝球會、球迷同埋朋友支持。事件發生時,約翰米基爾仍然堅持落場,分別喺對史篤城同埋西布朗嘅比賽中上陣,深受領隊波亞斯欣賞,讚呢位24歲小將夠專業精神。