鋒芝婚變擾攘多個月後，昨日二人發出共同聲明正式宣佈離婚，不少圈中人慨嘆可惜。
葉佩雯：當然可惜，睇住佢哋一齊到分開，最緊要之後過得開心快活。
梁漢文：呢啲始終係佢兩個人嘅事，擾攘咁耐終於畫句號，衷心祝佢哋工作同私人生活都有新開始。
肥媽瑪利亞：要離都冇辦法，但係（Lucas、Quintus）要畀父母見、老人家都要見，咁樣細路仔先健康。佢哋好襯，但性格太似，都係太剛，希望日後可以破鏡重圓。我睇報道話唔畀拉姑見對孫，真係睇到喊。
陳百祥：係咪最後決定？冇問題呀，咁算係圓滿結果。我睇住霆鋒大，佢絕對係好男人。
鄭裕玲：佢哋開心最緊要，兩個都已經係成熟人，知道自己做緊乜，只要解決咗小朋友嘅問題就OK。
毛舜筠：離婚梗係可惜，因為小朋友受最大影響。不過佢哋兩個都大，知道點樣先係對自己最好。
張致恆：好可惜，我好唔想佢哋離婚，希望佢哋為小朋友或者為自己都好，真係有好多方法可以解決。