麥兆輝同莊文強聯合執導嘅《竊聽風雲2》喺中港兩地都叫好叫座，香港放映4日票房約有700萬，內地首周就收8,100萬。吳彥祖（Daniel）、古天樂同劉青雲三位主角喺戲中都有好表現，證明麥兆輝同莊文強教戲有一手。電影公司仲幫古仔同Daniel報咗名參加台灣嘅金馬獎角逐影帝。監製爾冬陞噚日知道部戲嘅票房咁好都非常開心，話等古仔隻腳好番啲之後會搞慶功喎。