比利時聯賽喺上星期五發生咗一幕令人髮指嘅場面，現時效力比利時球隊利亞斯嘅日本門將川島永嗣（左），比賽期間竟然俾對方球迷用「川島-福島」嘅口號嘲笑，呢個口號明顯講緊日本福島311大地震。川島聽到之後覺得受到好大嘅侮辱，球證更加因為事件將比賽暫停咗幾分鐘，以制止滋事嘅球迷。最後球賽以1:1完場，川島離場嗰陣更淚曬當場。呢班咁冇品嘅球迷完全唔識尊重人，當地足總係咪應該考慮永久禁止佢哋入場睇波。既然川島喺比利時咁唔開心，不如返日本發展好過，事關佢之前隊波川崎前鋒防守好唔掂，今季22場聯賽失咗成37球，真係好需要佢返嚟救亡㗎！