喜歡圓形的人，大多是開心一族，素有「圓」美主義的新城DJ及TVBJ2主持林盛斌（阿Bob），近期人氣急升，忙於擔任多個大型節目司儀的他，要約做訪問並非易事，但一架VWBeetle甲蟲車，竟然可以令阿Bob將手上工作暫時放下，輕鬆用一個早上盡情試車，皆因一切由「圓」開始。
文：錢綽芝
攝影：譚盈傑
似容祖兒一樣型
身形夠圓，家中物件大多以圓形為主的阿Bob，應邀約試一架Volkswagen開篷Beetle，二話不說就相約時間地點。為何VWBeetle會令他這麼雀躍？原來早於2003年的某天，當時好想擁有自己第一部私家車的阿Bob，在網上瀏覽時發現Beetle好靚，同時發現容祖兒駕駛Beetle好有型呀！車的樣子十足一副笑樣，加上車身同樣是圓碌碌好襯自己，相信駕駛時一定有Joey咁型，於是阿Bob到陳列室睇車，但最後因為兩次相約都撞期而無法試車，加上當時身邊有朋友對他說這款車小毛病較多，所以最終打消念頭。
擁有完美家庭的阿Bob共有兩部私家車，而他亦打算置第三部作為後備車。現時分別擁有平冶C-Class及豐田大霸王七人車，但原來阿Bob對Beetle一直有份情意結，由當年沒有試車直到現在，仍希望親身試揸！近年不少車房朋友都大讚Beetle已有改進，小毛病已較初期少，今次能試Beetle，正好為他解開這個情意結。
Bob與甲蟲之圓配
試車當日，阿Bob見到這部Beetle駛入西九龍海濱長廊時，即打趣說：「都話呢部車襯我㗎啦！架車幾圓，頭燈又圓，尾燈又圓，你睇連車內櫳大玩圓，圓形儀錶板加埋圓形冷氣掣同出風口，仲有圓形煙灰缸，連VW個章都係圓，仲唔襯晒我？」
揸開篷車感覺特別
Bob：「我最開心係可以揸部開篷Beetle，一上車就忍唔住玩個電篷，一開一合，冷氣又夠凍，原來駕駛開篷車的感覺是這麼特別！至於駕駛感覺，擁有2.0公升引擎，115匹馬力，配有六前速加減波箱，睇馬力好像不太足夠，但這部車是要靚，不是要跑，所以馬力不需要太大。」
圓美之家
完成整個試車採訪，阿Bob還招呼記者及攝影師參觀他在旺角的住所，由燈飾至擺設，以及梳化咕等全部是圓形設計，證明他是一個徹徹底底的「圓」美主義者。
NewBeetleCabriolet2.0
引擎：1,984cc直四
馬力：115PS/5,400rpm
扭力：172Nm/3,200rpm
傳動：6速+/-波箱
售價：$238,800
查詢：36989688（VolkswagenHK）
