羅力威早前被影到同羽翹去食飯，噚日佢去西九龍中心出席活動時，強調唔係同羽翹拍拖，佢話：「我喺圈中冇乜朋友，佢係其中一個，希望大家畀啲空間我哋做吓朋友。」之後羅力威講笑話之前傳媒寫佢係張敬軒嘅緋聞男友，家咁快就變咗羽翹嘅緋聞男友，問到佢性取向時，羅力威話自己絕對鍾意女仔。