傅穎對羅仲謙又愛又恨，她前日更驚爆被粗暴對待，堪輿家麥玲玲批傅穎是桃花惹禍，她說：「羅仲謙本身性格可能衝動啲，係咪真係打人就有所保留；傅穎嘅桃花運未算係劫，但係桃花惹禍，好多時兩個人會有分手分得唔靚仔，或者會有糾纏狀況，佢哋兩個都係肖鼠，夾埋一齊嘅話，冇事發生可以乜都得，仲可以好激情，但係反面嗰陣，可以完全反晒面，可以走到好極端，通常呢啲都係有緣冇份，埋唔到尾。」
另一堪輿家區仲德說：「羅仲謙屬於七煞格，個人做嘢比較衝動，所以有時做嘢控制唔到自己情緒，今年有機會打女朋友又或者打女人，加上佢今年犯太歲，名聲名譽會有啲損失。傅穎今年感情受男性朋友影響，思緒會唔開心，有機會俾男友恰或者攻擊，同有啲是非會出現。不過佢哋本身相合、有情誼，今年兩個一齊犯太歲，喺感情上會有啲衝擊，過咗農曆八月後，處理到就冇事。」