工商界立法會代表突然籌組「工商專業聯盟」，噚日仲失驚無神召開記者會宣佈成立，點知原來急到連個名都未定實，有可能再改名。自由黨同出走嘅經濟動力素有積怨，噚日都睇得出佢哋面和心不和，例如身兼聯盟副召集人自由黨主席劉健儀，全程同經濟動力成員出現搶嘢講情況，日後究竟點合作？
重頭戲係田北俊（圖）vs林健鋒。本來同田少鬧翻嘅林健鋒中間，仲有個專業會議何鍾泰做隔心人，點知何鍾泰突然話要早走，搞到田少被迫同林健鋒坐埋一齊，影相時要攝記開聲，兩人先至坐近少少。田少全程更唔多出聲，佢話自己喉嚨痛，但會後依然賣力撐唐唐嘅垃圾論係「言者無心，聽者有意」。