吳彤噚日出席電腦節活動，講開電腦同facebook嘅嘢，鍾意做健身，大大隻隻嘅佢原來都試過俾同性騷擾㗎。吳彤話有個參加過亞洲先生選舉嘅男人，喺facebook度性騷擾佢，佢話：「最初喺facebook傾偈時，佢講嘢都好正常，後尾佢說話開始有挑逗性，仲話想同我發生一夜情。我冇應佢，之後佢再冇咁做。」馮仁昭都替佢抹一額汗呀！