出身於女子組合Cookies的傅穎，當年與成員鄧麗欣（Stephy）、吳雨霏、楊愛瑾同期簽約金牌大風，其間Theresa和Stephy曾惡鬥做一姐，Theresa及後與金牌解約，轉會加盟星皓，豈料前日因爆料搞出大頭佛，但原來Stephy近日也同樣受合約問題所困，感到進退兩難。
據悉，四餅女早年簽約金牌，合約內容均定明四女將來合約期滿後，若跳槽其他娛樂機構，必須向金牌講出新公司所提供的條件，包括年期、薪酬及工作量等，如果金牌能給予相同條件，她們就要留在金牌繼續效力，Kary和Miki獲放生，但早於6月約滿的Stephy，雖然正被Neway和內地經理人公司斟過檔，但因金牌有意續約，故至今她仍去向未明。
佛山人仔
由於前途未卜，Stephy都要狂人仔，前晚她到佛山出席音樂會，昨日她返港後，對於是否被金牌合約無形綑縛一事透過電話說：「有關合約問題，我會喺適當時候先同大家講。」提到Theresa自爆被羅仲謙打傷，Stephy也避談：「傅小姐嘅嘢唔答啦。」此外，金牌大風公關部發言人林小姐回覆：「因為藝人嘅合約有保密條例精神，唔方便回答。」
採訪：夏琴