舊年上市嘅大慶乳業（1007）都算巴閉，華華講嘅唔係佢嘅業績或者股價，而係佢連環奪得最「短命」主席同最年輕主席。話說上個禮拜大慶乳業出通告，宣佈趙傳文退任主席，以作為執行董事專注上游整合。至於佢主席個位，就由CEO趙宇（圖）、即係佢個仔調任。
趙傳文舊年雙十節先至獲委任為主席，仲有個半月先至夠一年，仲唔係最「短命」主席。佢個仔趙宇以24歲之齡出任大慶乳業CEO已經成為一時佳話，家陣更上一層樓，25歲就做市值近27億嘅上市公司主席，真係英雄出少年。趙宇17歲靠阿爸畀錢以投資移民入籍加拿大，未做大慶乳業前曾經喺上海騰源廣告公司做CEO，負責整體經營同業務策略、營運。呢位80後認真唔簡單。