日本女足一個月前贏得世界盃，她們先在8強戰淘汰兩屆盟主德國，再在決賽以12碼擊敗亦是兩屆冠軍美國，首度捧走世界盃，比日本男足更早一步理想達到！日本女足沒有得到大量資源協助，所有球員都是業餘的，下班後才去集訓，踢足球真的為了追求夢想，她們驚人的表現，在國家遇上大災難之後，人心惶惶之際，她們團結力量，簡直是人肉版的adidas廣告口號，將不可能變成可能。日本女足振奮日本國民，也振奮了我。
於是很想為自己在鳳凰衛視主持的清談節目做一個香港女足的故事，說來也真奇怪，製作組同事說很難約人，我還以為港女足不欲接受訪問，再三催促下才得知欲約無從，我當時質疑同事的辦事能力，今時今日互聯網的威力早已是無堅不摧，於是聲大大的說：「上足總網頁都搵唔到吖？」同事竟然點頭，我不相信自己的眼睛，第一時間上網搜尋。你都不要說，在香港足球總會的官方網頁真的找不到港女足的任何相關資料，惟有改用香港女子足球總會搜尋，更可怕的事實擺在眼前，我搵唔到香港女足的官方網頁！只喺一啲討論區同面書至搵到些少資料，連一張職球員名單都找不到，更何況是選拔女足的資格等等，點解會係咁嘅？究竟香港仲有冇女足嘅呢？
腦海內浮現了20,000個問號，2,000條問題，即時打了一通電話，向一位現職專跑本地足球新聞的資深體育記者了解，得到以下的解答：「女足係隸屬足球總會，不過呢幾年脫離足總，所以足總網頁搵唔到，亦冇自己網頁，直情玩自閉，女足總會長仲係陳瑤琴，呢個位有幾耐佢咪坐咗幾耐囉……（下刪1,000字）」睇到呢度大家明白唔明白？陳瑤琴在1965年成立香港女子足球總會，一直擔任會長至今，我不懷疑她對香港女足的貢獻，只是45年過去，女足總已淪為她的私人俱樂部，這樣發展下去，香港女足還有前途可言嗎？看來港女足都需要一個鳳凰計劃！
文：盧覓雪