佳景（703）馬交餐飲業勁掂，PE又係勁低，買馬交股，唔買賭業股，佳景係另類選擇。佳景家陣主要澳門所分佈餐飲相關項目，佔地高達10萬平方呎，由上而中、高檔食肆，再到普羅美食廣場櫃位都有齊，將唔同客戶類型兼顧晒。而祖國消費力釋放，加埋澳門旅遊及賭業興旺，而佳景又有規模優勢，嚟緊嘅日子，繼續肥仔水。佳景2010年度（12月底止）純利已經翻咗一番到4070萬銀。真係唔好估多，佳景2011年度純利係咁易翻半番到6100萬銀，預期PE得番4倍幾單位數，預測息率上到3.6厘，吸引到爆。呢轉冷灶熱吼佳景，一注短打博炒佳景半年度盈喜，一注擺中線博翻一番到1蚊樓上，佳景到時嘅預測PE，都未上到10倍雙位數。
麗展前景佳、折讓大
麗展（488）短短八個月跌咗近五成，落番09年至10年大型橫行底部，現價（0.17元）嘅NAV折讓，高達77%，夠晒折讓墊底。另外嚟自灣仔活道合營項目預售收入，應該超過10億銀，2012年度又係另一個豐收期，冇有怕。呢轉短打，吼實0.15元橫行底入市，博升兩成到0.18元，NAV折讓仲高達75%。
錢雋