「一陣去飲茶~」記得細個睇《球迷世界》，最開心係聽見阿叔明示晏晝有本地波睇，懶理約晒人或者有家庭聚會，統統讓路。講起上嚟好慚愧，對上一次入大球場睇本地波，竟然係13年前入行無耐嘅時候，之後專注睇外國波，每次有人問我甲組波現況，我總係支吾以對。早排英超挑戰盃，喜見大球場重見熱鬧，雖然建基於英超大軍，但有氣氛聊勝於無。近日聽到某收費台準備增設本地波頻道，好期待。市場導向係啱，但傳媒應該有發展本地體育嘅使命，連條路都唔行，邊有市場？希望新頻道唔係3分鐘熱度，我一定捧場。
好波一定捧場，今周捧車仔炒西布朗。
藍鑽石
星期六51
車路士vs西布朗
心水：車路士勝[-1]
心得：好波要捧