美職聯勁旅洛杉磯銀河在周六的聯賽迎戰聖荷西地震時，或有新兵前鋒羅比堅尼「地標」，而且地震近況沉兼陣容不整，一於直取銀河[-1]的「主勝」，有2.15倍。
本周美職聯話題，當然離不開空降的熱刺前鋒羅比堅尼令前鋒安祖離隊；由於羅比堅尼今役可以候命，故銀河的攻力絕對有增無減。另外，銀河雖續有後衞李安納度、艾華度及門將當奴雲歷格斯養傷，但中場碧咸、基奴夫斯基及查特巴列特均有機會復出；加上攻擊球員如當路雲及祖連奴等都「弗」，今役勝望濃。
聖荷西地震雖然剛引入厄瓜多爾前鋒艾蒙度蘇拿，但球隊近況甚頹，近11場聯賽未嘗一勝；加上中後場森哥連今場要坐波監，中場安德里雷斯摩利拉、伊基奧柏拉及前鋒阿倫哥頓受傷缺陣，實在難看好。
至於有前鋒安祖加盟的美國芝華士，今訪科羅拉多急流時可「夫添」，而安祖將與艾真度摩蘭奴組成強勁鋒線，絕對無懼急流近況勇銳，料芝華士可保不敗，宜取[+1]的芝華士開「客勝」。
吾中
讓球主客和過關
星期六77美國芝華士勝[+1]（1.95）x
星期六80洛杉磯銀河勝[-1]（2.15）2x1