何超雲和陳山聰公開戀情後，其胞妹何超蓮也成焦點。超蓮前晚到中環出席時裝品牌活動，坦言自從家姐拍拖後，與陳山聰見過幾次面，問她覺得山聰為人時，超蓮衝口而出說：「佢啲戲幾好。」她指愛情冇分盲目，唔迷都唔會拍拖。
何超蓮、何超瓊、陳慧琳（Kelly）和陳喬恩等，前晚到中環出席時裝品牌MarcJacobs活動。近日何超雲和陳山聰的戀情熱爆全城，身為其胞妹的超蓮前晚一出現，即被追問有關家姐的戀情。
「唔好畀氹我踩」
超蓮直言家姐現況幾好，問她覺得山聰為人時，超蓮忽然衝口而出說：「佢啲戲幾好。」即時全場譁然，令人揣測她明讚暗踩，暗指家姐被戲子騙感情。不過超蓮得知講錯說話後，急急補鑊說：「唔係呀，你哋唔好畀氹我踩，佢係做戲好。」
超雲與陳山聰拍拖四個月，超蓮表示見過山聰幾次，她又撒嬌表示記者的問題有骨，又笑指再追問下去會令她喊。對於山聰曾離婚一事，她表示有聽聞，亦會祝福家姐，她說：「希望家姐搵到幸福，最緊要佢開心。」超蓮坦言會好好保護家姐，所以不擔心她會被騙感情，記者即笑指山聰是好戲之人，超蓮就以「我好多兄弟姊妹」來回答，暗示到時全家會力挺家姐。
對於超雲今次拍拖顯得十分盲目，超蓮說：「愛情冇分盲目，唔迷都唔會拍拖，覺得佢唔會唔清醒，佢鍾意就OK，但冇聽過佢話結婚。」
近日超蓮與台灣藝人吳克羣夜遊台北而傳緋聞，她否認兩人拍拖，但承認即使將來拍拖也不會公開戀情，她直認欣賞吳克羣唱歌，她說：「拍拖就未睇到，自己不嬲唔講咁多呢啲嘢，但我會問佢（有指吳克羣放料），識咗佢幾年，同佢冇發展機會。」
Kelly再人工受孕
此外，Kelly早前傳出懷孕，前晚她刻意穿上貼身裙以證沒有懷孕，她說：「未恭喜得住，雖然好想，等吓啦，唔急，順其自然，追仔追女都冇所謂，乜都得，自己好open，人工受孕都得，會聽醫生建議。」
採訪：梁錦雯
攝影：陳志嵐