繼李青龍斷腳、未開季先收「咧」之後，再有南韓球員遭殃。禾夫斯堡嘅中場具滋哲（圖）喺操練時受傷，左腳腳踝韌帶撕裂。不幸中之大幸嘅係，佢只需要唞幾個禮拜，但肯定踢唔到周五對慕遜加柏嘅德甲賽事。不過，狼堡啱啱簽咗前德國國腳希斯佩加返嚟，有呢位德國重炮手加盟，相信中場兵源唔成問題。