法比加斯轉會巴塞，前前後後搞咗3年，最終阿仙奴都要被迫放人。至於另一倫敦球會熱刺都有呢個煩惱，中場核心莫迪歷（左）喺暑假初就已放晒風，話想過檔車路士踢歐聯。唔知係咪熱刺領隊哈利列納（右）見到雲格嘅遭遇，明白到唔忠心嘅球員留嚟都嘥氣，佢日前終於改口風，話會好好考慮莫迪歷嘅轉會，希望賺到筆可觀嘅轉會費，去買新球員，家就斟緊艾迪巴約過檔。