新人男歌手吳彤之前做過國泰空中少爺兩年，對於近期爆出多單國泰空姐、機師嘅醜聞，佢噚日喺尖沙嘴出席活動時話：「前幾日同啲舊同事飲茶敍舊，佢哋都話公司俾人當笑話嚟講，都好唔開心。」吳彤又話自己做國泰時，都試過被中東佬摸手，仲話空中小姐更加慘：「佢哋好慘，內地同胞叫佢哋做婢女，啲台中客，仲直情拍啲空姐屁股。」