曼聯名宿卜比查爾頓（右）今年已73歲，但活到老學到老，而且仲好關心曼徹斯特市嘅青少年問題。日前佢以宣傳大使身份參加咗曼市嘅勞倫斯市之星計劃，喺跳舞室內同班年輕人齊齊跳街舞，扭腰、叉手、轉向等動作都冇問題，真係精靈！查實呢個計劃係對應早前嘅英倫暴亂，卜比Sir認為運動有助年輕人鍛鍊鬥志，係發洩嘅好渠道，絕對可以產生遠離罪惡嘅作用。