趙薇同周迅兩位影后，早排拍攝電影《畫皮2》時喺片場開大片，踢枱又踢凳，搞到反晒面，有指導火線係因為角色問題而不和。劇組化妝師彭平杰噚日忽然煞有介事喺微博上傳趙薇同周迅嘅合照，只見兩位阿姐並排坐喺梳化上，扮晒老友鬼鬼咁款，不過笑容就有啲勉強噃。趙薇仲即時轉發照片，但就冇為呢件事回應。