劉家昌兒子劉子千一曲《唸你》唱紅，隨即被翻舊賬，揭他曾經因藏大麻被捕，罰款1,000元兼留案底，鄭欣宜前晚在灣仔出席派對時表示沒有特別留意新聞，她前晚說：「希望唔好再發生，只要知佢係冇買、冇食就得。」
感同身受
欣宜表示和劉子千其實不算熟，但覺得兩人之間都有共通點：「千千同我一樣，見到父母，就會火星撞地球，但其實都係好孝順嘅小朋友。」千千被翻舊賬，欣宜不覺他慘，她說：「唔慘，係做呢行嘅趨勢，係冇權有私隱，成熟咗自然會有正確嘅決定。」
此外，欣宜昨日到商台宣傳新歌《配角》，預計11月推出新專輯，對於被林欣彤（Mag）壓住奪新人獎，欣宜說：「唔好咁講，我私下有見過Mag，佢好叻，能夠同佢角逐新人獎我都好開心。」
採訪：盧妹、馬建華