30歲的熊黛林和郭富城拍拖5年，雖然無高調拍拖，但戀情已浮面。近期熊黛林被發現進駐城城寓所，有鎖匙自出自入，她昨日出席活動時卻否認和城城同居，又表示不會試婚，會乾脆結婚，更向城城派定心丸：「揀定咗就唔會變。」
名模熊黛林（Lynn）、Angelababy所屬的模特兒公司，昨日在尖沙嘴舉行模特兒比賽StyleModelHunt，一眾師姐如姚予晴、劉丹和張舒雅等，都扮靚靚撐場。最終三甲全由學生包辦，18歲大專生陳曉盈（Elise）奪冠，19歲香港學生羅堃慧得亞軍，第三名是由英國回來參加、就讀St.Martins設計學院的王詠穎。
自認專一冧男友
Lynn和郭富城拍拖5年，但一直未獲男友全面公開戀情，不過，近日Lynn被發現自由出入城城寓所嘉園，儼如女主人，被指展開同居關係。Lynn否認同居兼試婚：「一次誇張過一次，一係真係結婚，我冇（同居）呢啲習慣，我有自己地方住，一個人自由自在。」
被問到是否變身女主人？Lynn說：「又唔係我屋企。」她謂自己只有一串屋企鎖匙，也不心急結婚：「唔要啦，唔想咁快加『咩太』，好似好老咁。」
城城年紀不少，問她可是想再揀？Lynn即說：「基本上好專一，揀定咗就唔會變。」更大讚城城keep得好，樣子似30歲。
情侶檔拍電影
對於有份演的台灣壹電視劇集《拜金女王》收視一般，Lynn謂曾經為此不快，但獲城城讚賞後看開了：「佢話我有啲進步，好開心，佢係好專業嘅眼光。」更表明渴望和城城合作拍片：「機會求之不得，絕對唔會加價！」
採訪：梁錦雯
攝影：陳志嵐